Con “A Nosa Identidade” pretendemos conservar e dar a coñecer a memoria fotográfica de Moreiras.
A través dos anos a paisaxe de Moreiras foi mudando até convertirse no que hoxe coñecemos. Algúns lugares transformáronse mentras que outros desapareceron e só quedan no recordo….
As persoas que fixeron posible esta transformación, crearon unha identidade singular que define a Moreiras como pobo. Moitas delas xa non están con nos, pero a sua impronta perdura na memoria colectiva dos veciños e veciñas.
A Asociación de Veciños vén de por en marcha a iniciativa “A Nosa Identidade” un proxecto co que se pretende preservar a memoria fotográfica de Moreiras para reforzar a identidade do noso pobo.
A celebración dunha exposición fotográfica na Casa da Cultura, a difusión periódica de instantáneas en diferentes medios sociais e a creación dun arquivo fotográfico centran o arranque de “A Nosa Identidade”, unha actividade aberta a participación de todos os veciños e veciñas de Moreiras.
Sabemos que a xente de Moreiras garda moitas fotografías antigas e outras máis recentes, a nosa intención é dixitalizalas para evitar que se perdan ou deterioren, e crear un arquivo na Casa de Cultura que cumpra coa función social de preservar a identidade do noso pobo.
As portas da Casa de Cultura estarán abertas os martes e xoves de 10:00 a 13:00 horas para que aquelas persoas que desexen achegar imaxes poidan facelo sen ter que desprenderse dos orixinais, e coa garantía de que só serán expostas aquelas fotos que o doante considere oportuno.
A través de Facebook podedes seguir a publicación de imaxes na páxina “A mi también me gusta Moreiras”.
Esperamos contar coa vosa colaboración para que este proxecto sexa un éxito.
Colabora: Turismo y Ocio en Ourense
Igrexa de San Pedro de Moreiras
Construída no século XVIII, destaca pola súa fachada de traza renacentista rematada por dúas torres desiguais unidas por unha balaustrada.
“Toda a andaina é unha gozada”
Os andaríns buscamos camiños axeitados, non cortalumes nen asfalto, queremos bosques autóctonos e gústanos comer ben.
A miña aldea
Parece ser que Valentín Lamas Carvajal tiña dous amigos moi queridos en Moreiras, o abade don Ángel Varela e o mestre Freire , dous amigos aos que visitaba con frecuencia.
“Cando xogas con un concepto como é a solidariedade, as posibilidades de éxito son grandes”
Entrevista con Juan Canal, impulsor primeiro do proxecto Toén Solidario.