I Xornadas Micolóxicas de Moreiras
O domingo, día 8 de novembro, pechouse a primeira edición das Xornadas Micolóxicas de Moreiras, unha actividade coa que a Asociación de Veciños pretendía dar a coñecer a riqueza micolóxica que esconden os nosos bosques e facilitar consellos prácticos para a identificación dos diferentes tipos de cogomelos.
Durante as xornadas, que estiveron marcadas polas boas condicións meteorolóxicas, celebráronse diferentes actividades: charlas-coloquio, saída micolóxica, degustación de tapas elaboradas con cogomelos, exposición de cogomelos tóxicos, venenosos e comestibles, unha comida colectiva, etc.
Desde a Asociación de Veciños queremos agradecer a todolos participantes a súa asistencia e o interés demostrado nestas primeiras Xornadas Micolóxicas. Tamén queremos agradecer a axuda desinteresada de Sara, sen ela o sabor destas Xornadas non habería de ser o mesmo; de Juana e José Luis, sempre dispostos a botar unha man, e de Agustín que nos descubriu os segredos do fascinante mundo dos cogomelos.
Colabora: Turismo y Ocio en Ourense
Igrexa de San Pedro de Moreiras
Construída no século XVIII, destaca pola súa fachada de traza renacentista rematada por dúas torres desiguais unidas por unha balaustrada.
“Toda a andaina é unha gozada”
Os andaríns buscamos camiños axeitados, non cortalumes nen asfalto, queremos bosques autóctonos e gústanos comer ben.
A miña aldea
Parece ser que Valentín Lamas Carvajal tiña dous amigos moi queridos en Moreiras, o abade don Ángel Varela e o mestre Freire , dous amigos aos que visitaba con frecuencia.
“Cando xogas con un concepto como é a solidariedade, as posibilidades de éxito son grandes”
Entrevista con Juan Canal, impulsor primeiro do proxecto Toén Solidario.